Som nokon kan hende har fått med seg, har lista Husstellærardottera ønsker seg lenge innehalde punktet "Titanpanne som fungerer til induksjonskomfyr". Då vi kjøpte ny induksjonskomfyr i haust, var det to av kjørela våre som ikkje kunne brukast lenger. Den gryta vi brukte mest og den panna vi brukte mest. Gryta var ei vanleg gryte av rustfritt stål, og det var storleiken som gjorde at vi brukte henne så mykje. Vi har ikkje tenkt å kjøpe noka ny. I staden bruker vi dei andre grytene meir enn vi pla gjere før. Men steikepanna var ei titanpanne med slippbelegg, og var heilt naudsynt til til dømes pannekakesteiking. Og sidan vi sakna panna like mykje begge to, vart det mannen min som fekk ny panne til bursdagen like før jul. Også denne er titan, og knakande god. Pannekaketesten har vi enno ikkje teke, men eg tenkjer det kjem til å gå bra.
Eg hadde og ønskt meg ein suppebolle, sjølv om eg ikkje hadde skrive det på bloggen. Bror min og sambuaren gav meg denne flotte til jul, og eg gler meg til å ta henne i bruk. Er det nokon av lesarane som har fått kjøkkengåver til jul?
1 kommentar:
Ja, jeg! Masse! Grillpanne, sautepanne i titan, kokebøker i flust og fleng, sushisett, te og sjokolade! (Skal sies at jeg også har bursdag 23. des).
Legg inn en kommentar